In bann ofisyèl, in bann maron
In lang ofisyèl, in lang maron
In group plasé, lot klandéstin
Déplasé, égzilé san féstin

Tank la lang fransé
Sra lo sèl lang rokoni
Péi de drwa pou kèl lom ?
Légalité fantom

Malgré nout diplom
Zot i asèv dénig nout zéni
Tou lo talan kréol
Souzéstimé a linfini

Tank la lang fransé
Sra lo sèl lang ki mèt anlèr
Nou koné kisa somèr
Nou koné ki sar anlèr

Tank la lang kréol
Sora souyé vandalizé
Kisa lé favorizé,
Kisa lé marzinalizé (kozé !)

Mèt kréol anlèr,
Pou nou mèt anou anlèr
Anon mèt anou anlèr,
I fo nou mèt anou anlèr (bis)

Kréol dan lékol,
Anon mèt anou anlèr
Pa pli souyon, pa pli mol
Anon mèt anou anlèr

I konsidèr pa nout lang
Dirèk i bord nout parol
La konfians marmay i trang
Dék i anbèk somin lékol

Bann misyonér lékol
Lavé di anou pou nou avansé
Falé suisid nout kréol
Pou niabou ronèt an fransé

Tank lo lang kréol
Sora souyé vandalizé
Kisa lé favorizé,
Kisa lé marzinalizé

Mèt kréol anlèr,
Pou nou mèt anou anlèr
Anon mèt anou anlèr,
I fo nou mèt anou anlèr (bis)

Kréol dan lékol,
Anon mèt anou anlèr
Pa pli souyon, pa pli mol
Anon mèt anou anlèr

Dopi la kolonizasyon
Réyoné na mové répitasyon
Oblizé viv dégizé
Pou pa èt marzinalizé

Pou lasansyon sosyal,
Sofkoman fo nou mont « pat blans »
Préférans pa rézyonal,
Préfèr in lélit « made in france »

Tank la lang fransé
Sra lo sèl lang ki mèt anlèr
Nou koné kisa somèr
Nou koné ki sar anlèr

Tank lo lang kréol
Sora souyé vandalizé
Kisa lé favorizé,
Kisa lé marzinalizé

Mèt kréol anlèr,
Pou nou mèt anou anlèr
Anon mèt anou anlèr,
I fo nou mèt anou anlèr (bis)

Kréol dan lékol, (Anon mèt anou anlèr)
Pa pli souyon, pa pli mol
Légzil, somaz, la zol
Prétan pi trwa monopol

Kréol pa marzinal (Anon mèt anou anlèr)
Otantik, orizinal
Préférans Rényonal
Kréol dovan pa pli mal

Mèt kréol anlèr,
Pou nou mèt anou anlèr
Anon mèt anou anlèr,
I fo nou mèt anou anlèr

Kréolokoz, Mèt kréol anlèr (album Fanal pou bann zétwal la pér briyé)